संध्याकाळी
वाट तुझ्यासारखीच होते
दाट सावल्यांची
लांबसडक वेणी
तिरकस डोलाने
रुळवीत वक्षावर
आपल्या सामर्थ्याची
असूनही सावध जाणीव
धूसर तंद्रीचा घुंगट घेऊन जाणारी
संध्याकाळी
झाडे तुझ्यासारखीच
लयधुंद , रुपमग्न होतात
ज्यांच्या रंध्रारंध्रात
असते थबकलेले
एक नृत्य
संध्याकाळी
आकाश
तुझ्यासारखे दूर असते ..... दूर नसते .....
असते सांगत काहीतरी डोळ्यांनी
जे कळते ..... आणि कळतही नाही .....
जे नेहमी ठेवते
निळ्या भटक्या तंद्रीत
ज्याला
एक पार्थिव सुगंध असतो
तुझ्या सहवासासारखा.
: संध्याकाळीं
: उत्सव
: मंगेश पाडगावकर
वाट तुझ्यासारखीच होते
दाट सावल्यांची
लांबसडक वेणी
तिरकस डोलाने
रुळवीत वक्षावर
आपल्या सामर्थ्याची
असूनही सावध जाणीव
धूसर तंद्रीचा घुंगट घेऊन जाणारी
संध्याकाळी
झाडे तुझ्यासारखीच
लयधुंद , रुपमग्न होतात
ज्यांच्या रंध्रारंध्रात
असते थबकलेले
एक नृत्य
संध्याकाळी
आकाश
तुझ्यासारखे दूर असते ..... दूर नसते .....
असते सांगत काहीतरी डोळ्यांनी
जे कळते ..... आणि कळतही नाही .....
जे नेहमी ठेवते
निळ्या भटक्या तंद्रीत
ज्याला
एक पार्थिव सुगंध असतो
तुझ्या सहवासासारखा.
: संध्याकाळीं
: उत्सव
: मंगेश पाडगावकर
टिप्पण्या
टिप्पणी पोस्ट करा