कारे नाडवीसी | आपुल्या मनासी ;
पोषितो कुणासी ?| जगी कोण ?
महारोग्यापोटी |
पोरांची खिल्लारे ;
जीवन तया रे |
कोण देतो ?
कोणे केली बाळा |
दु:खाची उत्पत्ती
वाढवी श्रीपती | पाप-पुण्य
कोणी दिली भूक ?
| कोणे दिले रोग?
दारिद्र्याचे भोग दिले कोणी ?
दु:खाच्या अनंता |
भोगितो संसार ;
येई भागाकार | आत्मरुपे.
आत्म्याचे हे गुह्य |
ब्रह्माला ना ठावे ;
त्याच्या वंशा जावे |
तेव्हा कळे.
जन्माच्या प्रश्नाला | मृत्युचे उत्तर;
देई विश्वंभर | दुजे काय ?
: विं दा करंदीकर
टिप्पण्या
टिप्पणी पोस्ट करा