आता नसून आहे , तेव्हा तुला नकोसे
शृंगारसाज झाले आताच का हवेसे ?
तेव्हा असून बाग नव्हता फुलांस गंध ,
हृदयास का धरावे गजरे अतास बासे ?
तेव्हा असून आग तापू दिली न तयार ,
आता जीवास मार देतेस का मुकेसे?
तेव्हा असून सज्ज खेळू दिले न रंग ,
आता उदास होशी काळ्यानिळ्या प्रकाशे ?
पाऊस श्रावणाचा तेव्हा उन्हास येतां
गेलीस कोरडी कां होऊन कां असेसे ?
कंठात चातकाची तेव्हा तहान होती ,
डोळ्यात मीठपाणी आत्ता कशास ऐसें ?
आता नसून आहे , तेव्हा असून नव्हतो,
सलगी कशास आता ? निष्प्रेम हे उसासे !
: निष्प्रेम
:नक्षत्रांचे देणे
: आरती प्रभू
टिप्पण्या
टिप्पणी पोस्ट करा