आसवांनी मी मला भिजवु कशाला?......
एव्हढेसे दुःख मी सजवु कशाला?......
लागले वणवे इथे दाही दिशांना?......
एक माझी आग मी उजवु कशाला?......
मी उन्हाचा सोबती घामेजलेला?......
चंद्रमा प्राणात मी रुजवु कशाला?.......
रात्र वैर्याची पहारा सक्त माझा?......
जागणारे शब्द मी निजवु कशाला?......
मी असा कळदार, कोठेही कधीही........
पावल्या-चवल्यास मी खिजवू कशाला?.......
साय मी खातो, मराठीच्या दुधाची.......
मी कुणाचा उंबरा झिजवू कशाला?.......
कवी : सुरेश भट
टिप्पण्या
टिप्पणी पोस्ट करा