तुझ्या पथावर तुझ्या पदांच्या
पाउलखुणांच्या शेजारी मम
पाउलखुणा या उमटत जाती
खरेच का हे?
मातीमधल्या मुसाफिरीतून
हात तुझा तो ईश्वरतेचा
चुरतो माझ्या मलिन हाती
खरेच का हे?
खरेच का आहे - बरेच का हे -
दोन जगांचे तोडूनी कुंपण
गंधक -तेजाबसम आपण
मिळू पाहावे
आणि भयानक दहन टाळण्या
जवळपणातही दूर राहुनी
स्पोटाच्या या सरहद्दीवर
सदा राहावे ?
: तुझ्या पथावर
: वादळवेल
: कुसुमाग्रज
टिप्पण्या
टिप्पणी पोस्ट करा