ऊनओल्या गुजगप्पा, ऊनओला अन अबोला,
ऊनओली ती उन्हें अन ऊनओला तो पावसाळा.
मंद झोपाळे हलावे , ऊन पायी चिकणमाती ,
उंचसे झोके चढावे , किरण गावें हातीं ओला.
सर्व देते ... आणि येतें श्रांत डोळां मीठपाणी ,
सर्व घेतो म्हणत 'राणी ' : पेट घे कापूर ओला
सर्व देता येत होते आणि देता येत नव्हते ,
ती असोशी दाट ओली , पावसाळी तो उन्हाळा .
स्पर्श काळोखास करणे जीवघेणे वाटलेले
एक ओलासा उसासा तापल्या कानांत आला
दिवस आले , दिवस गेले, संपले काही ऋतू अन
संपला काळोख नाही ऊनओला जांभळा
श्रावणाच्या अन उन्हाची झुंबरे मी लावलेली
आणि आषाढी सरींची तोरणे माझ्या घराला.
: ऊनओल्या
: नक्षत्रांचे देणे
: आरती प्रभू
ऊनओली ती उन्हें अन ऊनओला तो पावसाळा.
मंद झोपाळे हलावे , ऊन पायी चिकणमाती ,
उंचसे झोके चढावे , किरण गावें हातीं ओला.
सर्व देते ... आणि येतें श्रांत डोळां मीठपाणी ,
सर्व घेतो म्हणत 'राणी ' : पेट घे कापूर ओला
सर्व देता येत होते आणि देता येत नव्हते ,
ती असोशी दाट ओली , पावसाळी तो उन्हाळा .
स्पर्श काळोखास करणे जीवघेणे वाटलेले
एक ओलासा उसासा तापल्या कानांत आला
दिवस आले , दिवस गेले, संपले काही ऋतू अन
संपला काळोख नाही ऊनओला जांभळा
श्रावणाच्या अन उन्हाची झुंबरे मी लावलेली
आणि आषाढी सरींची तोरणे माझ्या घराला.
: ऊनओल्या
: नक्षत्रांचे देणे
: आरती प्रभू
टिप्पण्या
टिप्पणी पोस्ट करा