सडा घातला अंगणी , वर रेखिले प्राजक्त ,
उगवत्या नारायणा जोडिले मी दोन्ही हात .
दोन्ही हातांची ओंजळ भक्तीभावे पुढे केली ,
काय प्राजक्तफुलांनी शिगोशीग ओसंडली ?
काही सुचेना , कळेना .... गेले अवघी मिटून ,
आली फुले ही कोठून ? तन, मन प्रश्नचिन्ह.
मनामनाच्या पल्याड , प्रश्नचिन्हाच्या शून्यात ,
बाई , तिथे देखिले मी एक देखिले अद्भुत .
एक कोरलेले लेणें , एक मनस्वी प्राजक्त ,
एक जुळली ओंजळ आग्रहाच्या वळणांत .
तोच काय हा प्राजक्त स्वर्णरंगी मित्र होतो ,
शुभ्र , केशरी रंगांनी , माझी ओंजळ भरतो .
: प्राजक्त
: चित्कळा
: इंदिरा संत
उगवत्या नारायणा जोडिले मी दोन्ही हात .
दोन्ही हातांची ओंजळ भक्तीभावे पुढे केली ,
काय प्राजक्तफुलांनी शिगोशीग ओसंडली ?
काही सुचेना , कळेना .... गेले अवघी मिटून ,
आली फुले ही कोठून ? तन, मन प्रश्नचिन्ह.
मनामनाच्या पल्याड , प्रश्नचिन्हाच्या शून्यात ,
बाई , तिथे देखिले मी एक देखिले अद्भुत .
एक कोरलेले लेणें , एक मनस्वी प्राजक्त ,
एक जुळली ओंजळ आग्रहाच्या वळणांत .
तोच काय हा प्राजक्त स्वर्णरंगी मित्र होतो ,
शुभ्र , केशरी रंगांनी , माझी ओंजळ भरतो .
: प्राजक्त
: चित्कळा
: इंदिरा संत
टिप्पण्या
टिप्पणी पोस्ट करा