ओठावरचे स्वप्निल हासू
फुलाफुलांवर जाते रंगून ;
डोळ्यांमधले अधुरे आसू
हळूच भरती मधू कोषांतून ;
शब्दांमधले अस्फुट लाघव
रानपाखरे घेतीटिपुनी ;
सळसळणारे अन अवखळपण
निळ्या आभाळी जाते उडुनी ;
रक्तामधली काळी बिजली
डोहामद्ये जाते मिसळून
असते जे जे तुझ्याचसाठी
तू गेल्यावर जाते उधळून.
- तू गेल्यावर नसते मीही,
नसते माझे ..... माझे काही ;
उरलेली ही अशी कोण मी
माहित मजला नाही .... नाही .
: तू गेल्यावर
: मेंदी
: इंदिरा संत
फुलाफुलांवर जाते रंगून ;
डोळ्यांमधले अधुरे आसू
हळूच भरती मधू कोषांतून ;
शब्दांमधले अस्फुट लाघव
रानपाखरे घेतीटिपुनी ;
सळसळणारे अन अवखळपण
निळ्या आभाळी जाते उडुनी ;
रक्तामधली काळी बिजली
डोहामद्ये जाते मिसळून
असते जे जे तुझ्याचसाठी
तू गेल्यावर जाते उधळून.
- तू गेल्यावर नसते मीही,
नसते माझे ..... माझे काही ;
उरलेली ही अशी कोण मी
माहित मजला नाही .... नाही .
: तू गेल्यावर
: मेंदी
: इंदिरा संत
टिप्पण्या
टिप्पणी पोस्ट करा