दिशादिशातूनी येती उले
गगनाचे ग दार खुले
मौनाची ही झडवीत पाने
आवाजाचे झाड फुले!
झिळमीळ झिळमीळ सायंकाळी
नदी सुरान्ची कान्ती माळी
काळजातूनी खळखळणार्या
ओहोळालाही ताल मिळे!
लख्ख अशी ही वीज चमकली
आभाळाने पाटी पुसली
मग डोहाच्या नितळ मनावर
अक्षरलेला चन्द्र गळे!
आभाळातून मेघ वितळले
धरणीचेही अंग शीतळले
झिडपीत पाणी केसान्मधले
काठावरती माड झुले!
कण कण ओला होऊन गेला
साजण येता हा अलबेला
नव्या बीजाला अंकुर फुटला
कुमारिकेची कूस फळे!
अशाश्वताच्या या गर्भातून
ऐक उद्याची सळसळते धून
या निर्मोही जन्मामधुनी
जगण्याचे वरदान मिळे!
श्री. विष्णू सूर्या वाघ
गगनाचे ग दार खुले
मौनाची ही झडवीत पाने
आवाजाचे झाड फुले!
झिळमीळ झिळमीळ सायंकाळी
नदी सुरान्ची कान्ती माळी
काळजातूनी खळखळणार्या
ओहोळालाही ताल मिळे!
लख्ख अशी ही वीज चमकली
आभाळाने पाटी पुसली
मग डोहाच्या नितळ मनावर
अक्षरलेला चन्द्र गळे!
आभाळातून मेघ वितळले
धरणीचेही अंग शीतळले
झिडपीत पाणी केसान्मधले
काठावरती माड झुले!
कण कण ओला होऊन गेला
साजण येता हा अलबेला
नव्या बीजाला अंकुर फुटला
कुमारिकेची कूस फळे!
अशाश्वताच्या या गर्भातून
ऐक उद्याची सळसळते धून
या निर्मोही जन्मामधुनी
जगण्याचे वरदान मिळे!
श्री. विष्णू सूर्या वाघ
टिप्पण्या
टिप्पणी पोस्ट करा