हा असा चंद्र अशी रात फ़िरायासाठी
तूच नाहीस इथे हात धरायासाठी !
तूच नाहीस इथे हात धरायासाठी !
चेहरा तो न इथे, ही न फ़ुलांची वस्ती,
राहिले कोण आता सांग झुरायासाठी !
राहिले कोण आता सांग झुरायासाठी !
कालचे तेच फ़िके रंग नकोसे झाले
दे तुझा ओठ नवा रंग भरायासाठी !
दे तुझा ओठ नवा रंग भरायासाठी !
आडवी एक तिथे भिंत मनाची आली
दार होतेच कुथे आत शिरायासाठी !
दार होतेच कुथे आत शिरायासाठी !
नेहमीचेच जुने घाव कशाला मोजू
ये गडे आज उभा जन्म चिरायासाठी !
ये गडे आज उभा जन्म चिरायासाठी !
- सुरेश भट
टिप्पण्या
टिप्पणी पोस्ट करा