डोळ्यांत सांजवेळी, आणू नकोस पाणी
त्या दूरच्या दिव्यांना, सांगू नको कहाणी
त्या दूरच्या दिव्यांना, सांगू नको कहाणी
कामात गुंतलेले असतील हात दोन्ही
तेव्हा नको म्हणू तू, माझी उदास गाणी
तेव्हा नको म्हणू तू, माझी उदास गाणी
वाटेवरी खुणेच्या, शोधू नको फुले ती
ना ठेविते फुलांची माती इथे निशाणी
ना ठेविते फुलांची माती इथे निशाणी
कळणार हाय नाही, दुनिया तुला मला ही
मी पापण्यांत माझ्या, ही झाकिली विराणी
मी पापण्यांत माझ्या, ही झाकिली विराणी
कवी : मंगेश पाडगावकर
टिप्पण्या
टिप्पणी पोस्ट करा