निळ्या जांभळ्या नदीला
आंबेवनाची सावली
भेट पहिलीवहिली
अकल्पित .
भेट दूरस्थपणाची
गर्भरेशमी क्षणांची
सौदामिनीच्या
बाणांची
देवघेव
गुलबक्षीच्या
फुलांनी
गजबजले कुंपण
वेचू लागला श्रावण
मोरपिसे .
ओल्या आभाळाच्या खाली
इंद्र्चापाचे
तुकडे
तुझा करपाश पडे
जीवनास .
कधी रेताडीचे रस्ते
माझ्या जीवनाचे गीत
तुझ्या सारंगीचे तात
साथ झाली .
बर्फवाट शिशिराची
आता पुढलीया देशी
तुझ्या मिठीची असोशी
अजूनही
: अजूनही
: छंदोमयी
: कुसुमाग्रज
टिप्पण्या
टिप्पणी पोस्ट करा