रंध्रात पेरिली मी
आषाढ दर्द गाणी
उन्मादल्या सरींची
उमजून घे कहाणी
पुसणार तू कुणाला
मिटलीत सर्द दारे
धारांत नाहणारी धरतीच
गे ईमानी
पानातुनी मनाच्या
माझेच हे शहारे
मातीत मातलेला आवेगही
तुफानी
सोसून सोसवेना गात्री
अलक्ष्य धारा
प्राशून पाप येते
डोळ्यांत मूढ पाणी
प्राणांत हूड वारे
हलतेच झाड आहे
त्यानीच ढाळलेली
तू माळिली विराणी
: शंकर रामाणी
टिप्पण्या
टिप्पणी पोस्ट करा