मोठे मोठे तुझे डोळे
त्यांत मावते आभाळ
पापणीच्या काठावरी
उन्हांपावसाचा खेळ
तुझ्या मोठाल्या डोळ्यात
अमा-पौर्णिमेचा मेळ ,
आणि तुझ्या दिठींमध्ये
पर्वकाळाची झळाळं
मोठ्या डोळ्यांच्या हरिणी
दृष्ट कोणाची लागली ?
चंद्रसूर्य तोलणारी
पापणी का भारावली ?
भाळी उतरे पाउस,
गालावरी आली उन्हें
उमलत्या ओठावरी
ओले हासरे चांदणे
मोठ्या डोळ्यांच्या हरिणी
दृष्ट कोना गं लागली ?
अवसेची काळी वीज
कुण्या वृक्षाने झेलली ?
: दृष्ट
: बाहुल्या
: इंदिरा संत
त्यांत मावते आभाळ
पापणीच्या काठावरी
उन्हांपावसाचा खेळ
तुझ्या मोठाल्या डोळ्यात
अमा-पौर्णिमेचा मेळ ,
आणि तुझ्या दिठींमध्ये
पर्वकाळाची झळाळं
मोठ्या डोळ्यांच्या हरिणी
दृष्ट कोणाची लागली ?
चंद्रसूर्य तोलणारी
पापणी का भारावली ?
भाळी उतरे पाउस,
गालावरी आली उन्हें
उमलत्या ओठावरी
ओले हासरे चांदणे
मोठ्या डोळ्यांच्या हरिणी
दृष्ट कोना गं लागली ?
अवसेची काळी वीज
कुण्या वृक्षाने झेलली ?
: दृष्ट
: बाहुल्या
: इंदिरा संत
टिप्पण्या
टिप्पणी पोस्ट करा