तुझ्या प्रीतीचे रहस्य
सदा रहस्यच रहावे
काय तमाने केधवा
सूर्यमंडळ पाहावे !
प्रीती भक्तीचा अंकुर
नाही प्रकाशी फुलत
पडे खालती पापणी
पहावयास दैवत !
चोर आपण कशास
लाज चोरीची धरावी
कलंदरांनी काय ती
रीत थोरांची वरावी
जेव्हां अवघा संसार
होई निद्रेच्या आधीन
जाती आकाश-शुन्यात
शब्द प्रवाह लोपून -
आडवाटेने वनांत
येतो काजळ अंधारी
होई मिलन आपुले
काळ्या नदीच्या किनारी !
तुझ्या बाहुच्या मिठीत
रात्र चुरते सरते
तुझ्या स्पर्शात श्वासात
सारे जीवन उरते !
जग जागते सकाळी
जागी आपुल्या आपण
जरी भेटलो मार्गात
नाही ओळख , भाषण !
: रहस्य
: मराठी माती
: कुसुमाग्रज
सदा रहस्यच रहावे
काय तमाने केधवा
सूर्यमंडळ पाहावे !
प्रीती भक्तीचा अंकुर
नाही प्रकाशी फुलत
पडे खालती पापणी
पहावयास दैवत !
चोर आपण कशास
लाज चोरीची धरावी
कलंदरांनी काय ती
रीत थोरांची वरावी
जेव्हां अवघा संसार
होई निद्रेच्या आधीन
जाती आकाश-शुन्यात
शब्द प्रवाह लोपून -
आडवाटेने वनांत
येतो काजळ अंधारी
होई मिलन आपुले
काळ्या नदीच्या किनारी !
तुझ्या बाहुच्या मिठीत
रात्र चुरते सरते
तुझ्या स्पर्शात श्वासात
सारे जीवन उरते !
जग जागते सकाळी
जागी आपुल्या आपण
जरी भेटलो मार्गात
नाही ओळख , भाषण !
: रहस्य
: मराठी माती
: कुसुमाग्रज
टिप्पण्या
टिप्पणी पोस्ट करा